კომპანია Panasonic, აგვისტოს ბოლოს, დაიწყებს დამტენი მოწყობილობის BG-BL01-ის გაყიდვებს, რომლის ფასიც, სავარაუდოდ, იქნება 75 დოლარი.
სიახლე მუშაობს მზის ელემენტებზე: მწარმოებლების განცხადებით, АА სტანდარტის ორი აკუმულატორის სრულად დამუხტვისთვის საჭიროა 15 საათი. მოწყობილობას, შეუძლია გადასცეს ენერგია პორტატულ გაჯეტებს USB პორტის საშუალებით.
BG-BL01-ს აქვს სამი შუქდიოდი, რომლის მეშვეობითაც მას შეუძლია შეასრულოს ფარნის როლი. АА-აკუმულატორების სრულად დამუხტვის და მაქსიმალური სიმკვეთრის შემთხვევაში, მოწყობილობას შეუძლია სინათლის გენერირება 10 საათის განმავლობაში, ხოლო მინიმალური სიმკვეთრის პირობებში — დრო იზრდება ექვსჯერ.
მოწყობილობის ზომებია: 152×104×24 მმ, წონა — 150 გ. კორპუსი დაცულია IPX-3-ის სტანდარტით, რისი მეშვეობითაც, მასზე არ მოქმედებს წყლის წვეთების მოხვედრა.
გამოყენებულია PhysOrg-ის მასალები.