კომპანია Samsung IFA 2011-ის გამოფენაზე (2–7 სექტემბერი, ბერლინი, გერმანია) პირველად წარმოადგენს თავის კომუნიკატორებს bada 2.0-ის პლატფორმაზე — აპარატები Wave 3, Wave M და Wave Y.
bada 2.0 ვერსიის ოპერაციულმა სისტემამ მიიღო გაუმჯობესებული ინტერფეისი, უფრო მჭიდრო კავშირი სოციალურ ვებ-სერვისებთან, Wi-Fi Direct-ის და NFC-ის (Near Field Communication) ტექნოლოგიების მხარდაჭერა.
Wave 3-ს გააჩნია 4-დიუმიანი სენსორული Super AMOLED დისპლეი გარჩევადობით 800×480 პიქსელი. აპარატს აქვს პროცესორი ტაქტური სიხშირით 1,4 გჰც; ჩაშენებული ფლეშ-მეხსიერება – მისი მოცულობა შეადგენს 3 გბ-ს. სმარტფონის არსენალში ასევე შედის: მთავარი 5-მეგაპიქსელიანი კამერა, წინა კამერა 0,3-მეგაპიქსელიანი მატრიცით, GPS-მიმღები, Wi-Fi და Bluetooth 3.0 მოდულები და ასევე მიახლოვების, განათების და ორიენტაციის სესნორები. მისი ზომები — 126×64×9,9 მმ, წონა — 122 გ.
მოდელი Wave M აღჭურვილია 3,65-დიუმიანი თაჩსქრინით (480×320 წერტილი), 832-მეგაჰერციანი პროცესორით, ორი კამერით ( 5- და 0,3-მეგაპიქსელიანი მატრიცით), Wi-Fi (Wi-Fi Direct-ის მხარდაჭერით) და Bluetooth 3.0 კონტროლერებით და ასევე NFC მოდულით. მოწყობილობის ზომები შეადგენს: 114×63×12,2 მმ-ს, წონა — 121 გ-ს.
Wave Y-ის მახასიათბლები გამოიყურება შემდეგნაირად: 3,2-დიუმიანი ეკრანი გარჩევადობით 480×320 წერტილი, პროცესორი ტაქტური სიხშირით 832 მჰც, 2-მეგაპიქსელიანი კამერა, Wi-Fi და Bluetooth 3.0 ადაპტერები. ზომები — 110×58×12,3 მმ, წონა — 102 გ.
ყველა სიახლე შესრულებულია მონობლოკის ტიპის კორპუსში; მხარდაჭერილია HSDPA ქსელებში მუშაობა. გაყიდვები დაიწყება შემოდგომაზე.
გამოყენებულია TechConnect Magazine-ის მასალები.
Bada OS ეძახე შენ და …. 😀 🙂
აბა.. ბადა რულს! 😀