ჩემს წინა პოსტში გაკეთებული დასკვნა გამართლდა და CyanogenMod-ის დეველოპერებმა გაგვახარეს თავიანთი ოპერატიულობით და უსაფრთხოების მაღალი სტანდარტებისკენ სწრაფვით. განახლების შემდეგ თქვენი სისტემის ვერსია 10.1.1 გახდება და მასში განხორციელებული რამდენიმე მნიშვნელოვანი განახლება დაყენდება. გაცილებით უმნიშვნელო ბაგების გამოსწორებასთან ერთად ამჯერად “Master Key”-ს უსაფრთხოების პრობლემაც მოგვარდება.
CM 10.1.1 განახლება გამოასწორებს Maste Key მოწყვლადობას, რომელიც ასევე ცნობილია როგორც ბაგი 8219321. იგივე შეცდომას არა მხოლოდ CM10 შეიცავდა, მისი გამოსწორება საჭირო იყო CM9 და CM7 პლატფორმებისათვის, რომელთა განახლებებიც პარალელურად გამოვიდა აღნიშნულთან ერთად. სხვა განახლებები რაც CM10.1.1-ში შევიდა არის:
- CVE-2013-2094 (Linux-ის ბირთვის მოწყვლადობა)
- CVE-2013-2596 (Qualcomm-სპეციფიური მოწყვლადობა)
- CVE-2013-2597 (Qualcomm-სპეციფიური მოწყვლადობა)
ასევე საუბარია ზოგიერთი სიაში არ შესული საერთო მოწყობილობების ბაგების გამოსწორება. განახლება გამოვიდა უმთავრესი დეველოპერული ტელეფონებისთვის, თუმცა ძალიან მოკლე ვადაში გამოვა სხვა მოწყობილობების განახლებებიც. ზოგიერთი სმარტფონისათვის არ არის CM10.1.1 განახლება და ზოგადად Nightly სტადიაში იმყოფება, თუმცა ეს არ უშლის დეველოპერებს მსგავსი პატჩი ამ პროცესშივე გამოიყენონ და მიიტანონ მოხმარებლებამდე.
წყარო: Cyanogenmod