Google-ის გენერალურმა დირექტორმა ლარი პეიჯმა განაცხადა, რომ Android-ის მართვის ქვეშ მყოფი ტელეფონების და პლანშეტების ყოველდღიური აქტივაციების რაოდენობამ მიაღწია 550 ათასს.
მაისში ეს მაჩვენებელი შეადგენდა დაახლოებით 400 ათასს, ხოლო 2010 წლის დეკემბერში — დაახლოებით 300 ათასს. ასე რომ, ახლა ყოველთვიურად მოხმარებაში შედის 16 მილიონზე მეტი Android-გაჯეტი, ხოლო ჯამში ამ პლატფორმაზე აქტივირებულ მოწყობილობათა რიცხვი, პეიჯის თქმით, დაახლოებით 190 მილიონს შეადგენს.
წინა წელს ანალიტიკოსების შეფასებით, Android OS სმარტფონების ოპერაციული სისტემების მსოფლიო ბაზრის 22,7 პროცენტს იკავებდა. 2011 წლისათვის კი, ეს პლატფორმა როგორც მოსალოდნელი იყო გახდება ლიდერი 38,5%-ით, ხოლო უკვე 2012 წლისათვის დაიკავებს მობილური ოპერაციული სისტემების ბაზრის ნახევარს. comScore-ის მონაცემების მიხედვით Android ახლა კომუნიკატორების ამერიკული ბაზრის 43,7%-ს ფლობს.
Google-ის მმართველმა ასევე განაცხადა, რომ სოციალურ ქსელ Google+-ში უკვე 40 მილიონზე მეტი მომხმარებელია დარეგისტრირებული. აგვისტოს დასაწყისში სერვისის მომხმარებლების რიცხვი დაახლოებით 25 მილიონს შეადგენდა. Google+ გახდა ყველა სწრაფად მზარდი სოციალური მიმართულების ვებ-რესურსი მთელ ინტერნეტის ისტორიაში.
წყარო: Electronista