წლების განმავლობაში Raspberry Pi ეხმარება ბავშვებს ისწავლონ დაპროგრამება, გამოიყენება უამრავ ხელნაკეთ პროექტში, მაგრამ მომხამრებლებს არ ქონდათ მასზე Windows-ის გაშვების საშუალება. Raspberry Pi 2 უკვე გამოვიდა და ამჯერად ეს ყველაფერი შეიცვალა. Microsoft-მა განაცხადა, რომ ის მხარს დაუჭერს პროექტს და გამოუშვებს Windows 10-ის სპეციალურ გამოშვებას, რომელიც ხელმისაწვდომი იქნება უფასოდ ამ კომპიუტერის მოხმარებლებისთვის.
Microsoft ამბობს, რომ Windows 10 მიმდინარე წელს მოგვიანებით იგივე პრინციპით იქნება ხელმისაწვდომი როგორც Intel-ის Galileo პლატებისთვის. ყველაზე მნიშვნელოვანი აქ ფასია, ახალი Rapberry იგივე ფასად 6-ჯერ უფრო მეტი წარმადობის კომპიუტერს შემოგვთავაზებს ARMv7-ის ბაზაზე და ის 35 დოლარი ეღირება. Microsoft-მა ასევე განაცხადა, რომ უფრო მეტი დეტალები რამდენიმე თვეში გახდება ცნობილი, მაგერამ თქვენ რა თქმა უნდა შეგიძლიათ უპრობლემოდ შეიძინოთ ახალი Raspberry და დაელოდოთ რელიზს.