ამერიკული კომპანია Everykey Inc 2012 წელს შეიქმნა Case Western Reserve University-ს კურსადმათავრებულების მიერ და 2014 წელს უკვე წარმოადგინეს Kickstarter-ზე უნივერსალური გასაღები სამაჯურის სახით. დღეს მათ მომწყობილობის ახალი ვარიანტი წარმოადგინეს, რომელიც უფრო მინიატურულია.
პროექტი წარმოდგენილია პლატფორმაზე Indiegogo და 137 834$ უკვე შეაგროვა, რაც 677%-ია მოთხოვნილი თანხის. სხვათაშორის პროექტის სახელა ლეგენდარული ჯონ მაკაფი, რომელმაც McAfee ანტი-ვირუსი შექმნა თუმცა დღეს ამ კომპანიასთან არანაირი კავშირი არა აქვს.
Evrykey-ს მოხმარებისას საჭირო არ არის პაროლის მოფიქრება ან დამახსოვრება, კომპიუტერებისთვის და მობილური მოწყობილობებისთვის, ასევე თქვენი სხვა და სხვა ანგარიშებისთვის. საკმარისია მოწყობილობა გედოთ ჯიბეში და მიუჯდეთ კომპიუტერს, რომ ყველაფერი ავტომატურად განიბლოკება და დაიბლოკება ისევ თუ მას დაშორდებით 3 მეტრზე მეტით.
დეველოპერები ამბობენ, რომ Everykey-ს შეუძლია პაროლების გენერაცია და იმუშავებს ნებისმიერ კოდურ საკეტთან, რომელიც უკაბელო კავშირით აქტიურდება. უახლოეს დროში დაგეგმილია ჭკვიანი სახლის და მავტომობილების მხარდაჭერაც, ასევე ველოსიპედების და მოტოციკლებისთვისაც.
ნებისმიერი რამისთვის პარილის გენერაცია იწყება აპლიკაციით Everykey App, რომელიც ახორციელებს მოწყობიობის თქვენს გაჯეტებთან ინტეგრაციას. ასევე ამ აპლიკაციით ხდება მისი გამორთვა დაკარგვისას ან არასანქცირებული მოხმარების პრევენციისთვის.
კავშირის დასაშიფრად გამოიყენება AES 128-ბიტიანი კოდი, რომელიც ყოველ ჯერზე იცვლის სტრუქტურას. ამიტომაც კოდგრაბერის გამოყენების შემთხვევაშიც კი კომუნიკაციის მოსმენა უშედეგო იქნება.
რა თქმა უნდა შესაძლებელია Everykey-ს დაკარგვა ან მოპარვა, მაგრამ ასეთ შემთხვევაში აუცილებელი იქნება მოწყობილობის დეაქტივაცია უმოკლეს დროში.
Everykey მუშაობს Blutooth 4.0 უკაბელო კავშირის პროტოკოლით და თავსებადია შემდეგ საოპეარციო სისტემებთან:
- Mac OS 10.9+ (Mavericks, Yosemite, და უფრო ახალი)
- Windows 7+
- Ubuntu 14+ (Linux)
- Android 4.4+ (KitKat, Lollipop, და უფრო ახალი)
- iOS 8+
ინტერნეტ ანგარიშებზე წვდომა მხარდაჭერილია შემდეგ ბრაუზერებში:
- Google Chrome v37+
- Mozilla Firefox v31+
- Safari 7.1+
- Microsoft Edge (მომდევნო ვერსიებში)
მოწყობილობა მუშაობს Lithium Polymer აკუმლატორით, რომელიც 30 დღე არ საჭიროებს დამუხტვას, რომელიც USB პორტით ხორციელდება.
მოწყობილობა შეგიძლიათ შეუკვეთოთ პროექტის საიტზე Indiegogo-ზე.