სმარტფონების ბაზრის მოცულობა, ერთი წლის განმავლობაში, 74%–ით გაიზარდა

Felix Wirth / Corbis–ის ფოტო.

ანალიტიკურმა კომპანია Gartner, 2011 წლის მეორე კვარტლის, ფიჭური აპარატების მსოფლიო ბაზრის საერთო მოცულობა შეაფასა.

სამი თვის განმავლობაში ბაზარს 428,7 მლნ მობილური ტელეფონი და სმარტფონი მიეწოდა, რაც 2010 წლის მეორე მეოთხედთან შედარებით 16,5%–ით მეტია, როცა გაყიდვების მოცულობა 368 მლნ ერთეულს შეადგენდა.

ფინური ვენდორის, Nokia–ს წილი, რომელიც ლიდერობას ჯერჯერობით არავის უთმობს, ერთი წლის განმავლობაში 30,3–დან 22,8%–მდე შემცირდა. მეორე კვარტალში კომპანიამ 97,9 მლნ «ყურმილის» რეალიზება მოახერხა.

თუ ერთი წლით ადრე კორეული კომპანია ბაზრის 17,8%–ს ფლობდა, დღეისათვის 69,8 მლნ გაყიდული აპარატით, Samsung ბაზრის 16,3%–ს აკონტროლებს. სამეულს ხურავს LG, რომლის წილი 8,0–დან 5,7%–მდე დაეცა (24,4 მლნ გაყიდული მოწყობილობა).

4,6%–ით სტივ ჯობსის იმპერია მეოთხე ადგილზე იმყოფება: სამი თვის განმავლობაში Apple-მა 19,6 მლნ «აიფონის» რეალიზება მოახერხა. და ბოლოს, 3,0%–ითა და 13,1 მლნ რეალიზებული მოწყობილობით მეხუთე პოზიციაზეა ჩინური კომპანია ZTE.

რაც შეეხება ჭკვიან ტელეფონებს, სმარტფონებზე მოთხოვნა, ერთი წლის განმავლობაში, 74%–ით გაიზარდა — 62,1–დან 107,7 მლნ ერთეულამდე.

გასულ კვარტალში რეალიზებული კომუნიკატორები, პლატფორმების მიხედვით, ასე გადანაწილდა:

• Android — 46,8 მლნ ერთეული; 43,4%
• Symbian — 23,9 მლნ; 22,1%
• iOS — 19,6 მლნ; 18,2%
• BlackBerry OS — 12,7 მლნ; 11,7%
• Bada — 2,1 მლნ; 1,9%
• Windows Mobile და Windows Phone 7 — 1,7 მლნ; 1,6%
• სხვა — 1,1 მლნ; 1,0%

წყარო: Gartner